O pagamento da taxa de todos os procedementos incorporados nesta Oficina Virtual de Industria debe iniciarse no momento de cubrir o formulario normalizado da declaración responsable, comunicación ou solicitude na sede electrónica da Xunta de Galicia, seguindo os pasos indicados no apartado Inicio do pago.

Unha vez iniciado o pago, mostraráselle unha pantalla co importe que a persoa obrigada deberá aboar, que pode ser un importe fixo máis un importe variable en función da potencia ou outros factores, como o que se mostra no apartado Datos da persoa obrigada ao pago (suxeito pasivo) . Recorde que se vostede quere pagar como representante debe seguir as indicacións do apartado Posibilidade de pago como representante

Non é preciso introducir os códigos asociados á taxa correspondente, xa que o sistema os carga automaticamente.

Lembre que debe ter en conta:

Pago con cargo en conta

Só se pode pagar mediante cargo en conta se a operación de pago se inicia con certificado (tamén se admiten certificados de representante de persoa xurídica) e con firma dixital dos titulares "necesarios".

O titular da conta do cargo debe ser necesariamente o que consta no certificado co que se accedeu

Obrigatorio para persoas xurídicas

Pago con tarxeta

O titular da conta da tarxeta do cargo debe coincidir co que efectúa o pago

O pago mediante a entidade bancaria propia ten como límite o establecido nas condicións da tarxeta

O pago en entidade bancaria distinta, por exemplo, en Abanca ten un límite de 60€

Pago semipresencial

Debe comezar o pago desde o formulario normalizado de solicitude, ao igual que no pago en electrónico

No último paso dentro da Oficina Virtual Tributaria debe elixir “pago presencial”

Ir á entidade bancaria e pagar (teña en conta que o pago pode tardar en verse reflexado na Oficina Virtual Tributaria)